2023 Heimssøga frá miðøldini til 1750

At veita eina grundarlagandi fatan av heimssøgu frá miðøld til umleið 1750, við serligum denti á evropeiska søgu og søgu, sum hevur røtur í Evropa. Hetta skeiðið er eisini ætlað fólki við almennum áhuga fyri søgu

Skeiðið gevur næmingunum víðfevnda vitan um grundleggjandi samanhangir í heimssøguni í miðøldini og fram til 1750, umframt vitan um grundleggjandi samfelagsviðurskifti í evropeiskum samfeløgum í hesum tíðarskeiði. Dentur verður lagdur á at gera næmingarnar kunnug við álítandi fakligar keldur um evnið, og at gera teir førar fyri at miðla hesa vitan til onnur

Væl eydnaðir næmingar skulu kunna vísa á førleika at:

• hava víðfevnda fatan av gongdini í søguni í miðøldini og fram til umleið 1750
• formulera grundleggjandi spurningar um evropeiska søgu frammanundan 1750
• sjálvstøðugt víðka um sína egnu sjónarring og ogna sær nýggja vitan um evnið

Skeiðið varir í umleið 30 tímar. Undirvísingar- og lærutilgongdirnar fevna um fyrilestrar, framløgur og kjak. Næmingarnir skulu velja eitt evni við byrjan av skeiðinum, sum teir skulu halda eina framløgu um fyri hinum í flokkinum. Henda framløgan er ein treyt fyri at sleppa til skeiðsroyndina